Bohat Umeed Rakhna Aur Phir Be-aas Hona Bhi
Bashar Ko Maar Detta Hai Bohat Hassas Hona Bhi

Sunno Ek Kaan Se Aur Dossray Se Phenk Do Bahir
Bohat Takleef Detta Hai Sahib-e-Ehsas Hona Bhi

Yunhi To Abbr-e-Rehmat Ki Tallab Karta Nahi Koi
Zaruri Hai Muqaddar Mein Zarra Si Payas Hona Bhi

Bohat Se Qalb Ruk Jatay Hein Khushiyun Ki Khabar Pa Kar
Hamein To Khoob Jachta Hai Ghammon Ka Raas Hona Bhi