Rooshan Kaheen Bahaar Kay Imnkaan Howay Tu Hain
Gulshan Main Chalk Chund Giraybaan Howay Tu Hain

Abh Bhee Khizaan ka Raj Hai Laikin Kaheen Kaheen
Gosh-e-Rah-e-Chaman Main Ghazal Khawaan Howay Tu Hain

Thehri Howi Hain Shab Ki Siyahiyaan wahin Magar
Kuch Kuch Saher Kay Rang Pur Afshaan Howay Tu Hain

In Main Lahoo Jala Hu Hamara Keh Jaan-o-Dil
Mehfil Mian Kuch Chirag Firoozaan Howay Tu Hain

Haan Kaj Karoo Kulah Keh Sub Kuch Luta Kay Hum
Abh Bay Niaz-e-Gardish-e-Dooraan Howay Tu Hain

Ahal-e-Qafas Ki Subah-e-Chaman Main Khulay Gee Ankh
Baad-e-Saba Say Wada-o-Paymaan Howay Tu Hain

Hai Dasht Abh Bhi Dasht Magar Khun-e-Paa Say "Faiz"
Sairaab Chund Khar-e-Mugheelaan Howay Tu Hain