Udas Logun Se Pyar Karna Koi To Seekhe
Sufaid lamhoon main Rang bharna Koi To Seekhe

Koi To Aaey Khizan Main Pattey Ugane Wala
Gulun Ki Khushboo Ko Qaid Karna Koi To Seekhe

Koi Dikhae Muhabbatun Ke Sarab Mujhko
meri Nigahun Se Baat karna Koi To Seekhe

Koi To Aaey Nai Rutun Ka Pyaam le Kar
Andheri Raatun main Chaand Ban-na Koi To Seekhe

Koi Pyambar, Koi Imam-e-zman Hi Aaey
Aseer Zehnun Main Soch Bharna Koi To Seekhe