Dil ne tery baray mein poocha to bohat roya
Wo Shakhs jo patthar tha toota to bohat roya

Ye dil ki judai ke unwaan pe barson se
Chup tha to boht chup tha roya to bohat Roya

Itna bhe aasan na tha hasti se guzar jana
Utra jo samnder mein darya to bohat roya

Jo Shakhs nahi roya kabhi tapti hui raahon mein
Aaj dewaar ke saaye mein baitha to bohat roya

Ek Harf tasalli ka, ek harf mohabbat ka
Khud apne liye usne likha to bohat roya

Pehlay bhi shikaston pe khai thi shikast usne
Lekin wo teray haathon hara to bohat roya

Jo ehad nibhaney ki deta tha Dua us ne
Kal shaam mujhy tanha dekha to bohat roya